Основното јавно обвинителство – Скопје работи на расветлување на убиството на малолетник на Матка

Скопје, 16 Април 2017

Надлежен јавен обвинител од Основното јавно обвинителство – Скопје донесе Наредби за спроведување на истражна постапка против две 19-годишни лица, осомничени за вчерашниот кривично-правен настан на скопска Матка, во кој при тепачка беше убиено едно малолетно лице.

Едното лице е осомничено за сторено кривично дело – Убиство, од член 123 од Кривичниот законик, додека второто е осомничено за кривично дело – Учество во тепачка од член 132 од Кривичниот законик. Двете лица се лишени од слобода и против првото до судија на претходна постапка ќе биде поднесен Предлог за определување на мерка притвор, додека за второто лице ќе бидат предложени мерки за претпазливост.

Во исто време, надлежниот јавен обвинител работи на целосно расветлување на мотивите за кривично правниот настан, во кој освен убиеното момче, било повредено уште едно лице во блиско крвно сродство со убиениот. За таа цел издадена е Наредба за обдукција на телото на починатиот, наредби за ДНК анализа, како и наредби за вештачење на сите траги и предмети пронајдени на лице место, а кои се во врска со кривично-правниот настан.

Освен двете осомничени лица, обвинителот сослуша и други три лица испитувајќи ги околностите во кои се случил настанот.

12 total views, 1 views today

Јавен обвинител ноќеска вршеше увид во домот на убиената старица во Прилеп

Скопје, 14 Април 2017

Надлежниот јавен обвинител од Основното јавно обвинителство – Прилеп во текот на ноќта изврши увид во семејна куќа во Прилеп во која се случи убиство.

Вчера вечер околу 23,00 часот, при вршење семејно насилство, 30 годишен маж со умисла ја лишил од живот неговата баба со која живеел. Додека сега починатата спиела во нејзиниот кревет, осомничениот се обидел со перница да ја загуши, но настанало меѓусебно борење, тогаш тој земал метален боксирач и удирајќи ја повеќе пати во пределот на главата и нанел тешки телесни повреди. Како последица на повредите настапил смртен исход. Жртвата била на возраст од 78 години.

По наредба на јавен обвинител во моментот се врши обдукција на почината старица, во исто време издадени се и наредби за прибирање на траги и доказен материјал од местото на настанот.

По предлог на обвинителот, судијата на претходна постапка на осомничениот со Решение му одреди мерка – Притвор во траење од 30 дена.

22 total views, 1 views today

Основното јавно обвинителство – Скопје работи на расветлување на грабежот во банкарски трезор

Скопје, 12 Април 2017

Основното јавно обвинителство – Скопје издаде Наредба за спроведување истражна постапка против едно лице, осомничено дека сторило кривично дело Затајување по член 239 став 5, а во врска со ставовите 3 и 1 и со член 45 од Кривичниот законик.

Лицето е осомничено дека затаилo два милиони швајцарски франци и 270.000 евра од главниот трезор на една деловна банка.

Со цел расветлување на случајот, надлежен јавен обвинител од Основното јавно обвинителство – Скопје издаде Наредби за обезбедување на снимките од видео надзорот и комплетната документација од банката, како и за обезбедување на листинзите од телефонската комуникација на осомниченото лице.

По предлог од надлежниот јавен обвинител, судија на претходна постапка на осомниченото лице му определи мерка притвор во траење од 30 дена.

Истрагата за целосно расветлување на овој случај продолжува.

40 total views, 1 views today

Обвинителен предлог за лицето што го симна знамето на Република Македонија во Куманово

Скопје, 11 Април 2017

Основното јавно обвинителство – Куманово до Основниот суд – Куманово поднесе Обвинителен предлог против Л.К. за сторени кривични дела – Напад на службено лице при вршење на јавна безбедност од чл.383 ст.2 вв со ст.1 и Предизвикување национална, расна и верска омраза, раздор и нетрпеливост од чл.319 ст.1 од Кривичниот законик.

Имено, на 31 минатиот месец на улицата „Гоце Делчев” во центарот на Куманово, околу 16:00 часот, обвинетиот заедно со неколку непознати лица и малолетниот Л.С. го симнале и го оштетиле знамето на Република Македонија и на јарболот закачиле знаме на Република Албанија. При обид да бидат спречени во намерата од страна на службени лица од Министерството за внатрешни работи, обвинетиот нападнал еден од полицајците и му нанел телесна повреда – набиеница на главата и десната шака. Настанот предизвика чувство на раздор и нетрпеливост врз основа на етничка припадност кај јавноста.

Со оглед на тоа што станува збор за кривично дело од јавниот ред и постојат околности што го оправдуваат стравот дека доколку обвинетиот се брани од слобода ќе го повтори кривичното дело, надлежниот обвинител од Основното јавно обвинителство – Куманово со обвинителниот предлог достави и посебен предлог за продолжување на определените мерки – куќен притвор и мерки на претпазливост.

Малолетниот Л.С денеска е сослушан пред судија за малолетници при Основниот суд во Куманово и за него ќе продолжи постапката со изведување на докази.

41 total views, 1 views today

Основното јавно обвинителство – Велес изврши увид на лице место на настанот кој се случи денеска напладне, кога беше лишена од живот шеесет и четири годишна велешанка

Скопје, 05 Април 2017

Сосед на сега починатата најпрвин вербално со закани ја нападнал неа и нејзините син и снаа. Откако осомничениот тргнал кон нив со себе носејќи земјоделска алатка и нож, оштетените влегле во нивната куќа и се заклучиле. Осомничениот ги продолжил своите намери и кршејќи ја влезната врата веднаш ја нападнал сосетката нанесувајќи и тешки телесни повреди. Синот и снаата се обиделе да и помогнат, но и тие биле нападнати и тешко повредени од страна на сторителот. Поради здобиени тешки телесни повреди, жената била однесена во ЈЗУ Општа болница во Велес, а од таму во Клиничкиот центар во Скопје, но им подлегнала на повредите.

Вршејќи увид на лице место, надлежен обвинител од Основното јавно обвинителство – Велес наредил прибирање на сите траги од лице место, одземање и натамошно вештачење на оружјето со кое е извршено кривичното дело, дадена е и наредба за вршење обдукција на телото на починатата.

Дејствијата преземени од страна на обвинителството продолжуваат во насока на расветлување на фактите во предметот .

64 total views, 1 views today

Обвинителен акт за возачот што ја предизвика сообраќајната незгода на регионалниот пат Скопје – Велес во која загина 19 годишно момче

Скопје, 05 Април 2017

Основното јавно обвинителство – Скопје денеска до Основниот суд Скопје 1 – Скопје поднесе обвинителен акт против Ј.Д. за сторено кривично дело – Тешки дела против безбедноста на луѓето и имотот во сообраќајот од чл. 300 ст.2 во врска со чл.297 ст.1 и во врска чл.12 ст.2 во врска ст.1 од Кривичниот законик.

Настанот се случи на 20 септември минатата година на регионалниот пат Скопје – Велес. Обвинетиот управувајќи патничко моторно возило марка „мерцедес” удри во 19 годишно момче кое по десетина дена почина.

Врз основа на наодите во извештаите по издадените наредби, од страна на надлежен јавен обвинител утврдено е дека обвинетиот не се придржувал кон прописите за учество во сообраќајот. Во моментот на незгодата бил со битно намалена пресметливост и тежок степен на пијанство. Возилото го управувал во насока од Велес кон Скопје​, со недозволена и неприлагодена брзина кон условите и состојбата на патот и притоа удрил во момчето кое се движело по десната коловозна лента во спротивната насока.

Во текот на истражната постапка поради непочитување на мерката – куќен притвор истата беше заменета со мерка – притвор, поради што надлежниот јавен обвинител со обвинителниот акт до Основниот суд Скопје 1 – Скопје достави и предлог за продолжување на мерка – притвор за обвинетиот.

32 total views, no views today

Основното јавно обвинителство – Тетово​ ​го расветлува обидот за убиство во с. Палатица

Скопје, 05 Април 2017

Вчера во попладневните часови, во дворот на Основното училиште „Фан Ноли” во с. Палатица – Општина Желино ученик во седмо одделение се здобил со прострелна рана и е во животна опасност.

Настанот се случил кога 17 годишник од Скопје со пријавен престој во с. Палатица истрелал куршум кон седмоодделенецот. Детето поради сериозноста на повредите е пренесено во Ургентниот центар во Скопје, врз него е извршен оперативен зафат и се наоѓа во животна опасност.

Во соработка со Центарот за социјални работи од Тетово, надлежен обвинител од Основното јавно обвинителство – Тетово до Судија за деца при Основниот суд во Тетово достави предлог мерки за обезбедување на сторителот на кривичното дело – Убиство од чл.123 ст.1 во врска со чл.19 од Кривичниот законик.

Основното јавно обвинителство – Тетово ги презема сите неопходни мерки и активности за расветлување на случајот.

ДОПОЛНУВАЊЕ :

По сослушување на осомничениот малолетник, поднесено е барање за поведување подготвителна постапка против него и согласно чл.117 ст.1 и 2 од Законот за правда на деца, а во врска со чл.165 ст.1 т.1 од Законот за кривична постапка, надлежниот обвинител од основното јавно обвинителство – Тетово до судијата за деца достави предлог за определување на мерка – Притвор.  Судијата постапувајќи по предлогот со решение на осомничениот му определи мерка – Притвор во траење од 30 дена. ​

40 total views, 1 views today

За еден месец Јавното обвинителство за гонење на организиран криминал и корупција разби четири нарко групи

Скопје, 31 Март 2017

Во координирана соработка со Секторот за криминалистички истраги – единица за недозволена трговија со дрога при Министерството за внатрешни работи, јавното обвинителство за гонење на организиран криминал и корупција разби уште една група што во изминатиот период се занимавала со препродажба на наркотици.

Постапувајќи по поднесената кривична пријава против две лица, надлежниот јавен обвинител денеска до судија на претходна постапка при Основниот суд Скопје 1 – Скопје поднесе предлог за определување на мерка притвор за осомничените. На лицата им се става на товар дека сториле кривично дело – Неовластено производство и пуштање во промет на наркотични дроги , психотропни супстанции и прекурсори од чл.215 ст.3 од Кривичниот законик.

Основите на сомнение произлегуваат од претходно прибавени докази дека осомничените во месец септември 2016 година неовластено, а заради продажба купиле и продале наркотична дрога – марихуана со тежина од 805 грама во близина на средното училиште ,,Никола Карев“ во населбата Карпош во Скопје​. Едното од лицата, денеска во раните утрински часови е запрено на граничниот премин Деве Баир при обид за излез од Република Македонија и истото е задржано и лишено од слобода.

52 total views, 1 views today

Основното јавно обвинителство – Тетово врши увид во фабрика во која се затруле над 200 лица

Скопје, 31 Март 2017

Јавен обвинител од Основното јавно обвинителство – Тетово, заедно со екипа од СВР Тетово и надлежни инспекциски служби врши увид во фирма лоцирана во слободната индустриска зона, во близина на тетовското село Сараќино.

Имено, утрово од страна на тетовската клиничка болница во СВР Тетово било пријавено дека во болницата се донесени над 200 затруени лица, вработени во фирмата. Според првичните сознанија лицата се затруле најверојатно од храната што ја консумирале околу еден часот по полноќ, додека два часа подоцна ги почувствувале првите симптоми, се жалеле на болки во стомакот, повраќање и вртоглавица.

Повеќето од затруените лица се задржани во тетовската, а дел се префрлени во гостиварската болница, за укажување  на соодветна лекарска помош.

46 total views, 1 views today

Наредена истрага против три лица за Неовластено производство и пуштање во промет на наркотични дроги

Скопје, 24 Март 2017

Основното јавно обвинителство за гонење на организиран криминал и корупција, постапувајќи по кривична пријава поднесена од страна на Одделот за сузбивање на организиран и сериозен криминал – единица за недозволена трговија при МВР, донесе Наредба за спроведување на истражна постапка против Ф.И. (50) , С.Ф. (50) и М.А. (47), поради постоење на основано сомнение дека сториле кривично дело – Неовластено производство и пуштање во промет наркотични дроги, психотропни супстанции и прекурсори по чл. 215 ст. 3 в.в. со ст. 1 од КЗ.

Истовремено, на 23.03.2017 година до судија на претходна постапка е поднесен и Предлог за определување на мерка притвор против трите лица.

Во периодот од 20.03.2017 до 23.03.2017 година С.Ф. од непознато лице купил наркотична дрога – марихуана, по што со Ф.И. се договорил истиот да посредува на продажбата на истата. Ф.И. се договорил М.А. да ја купи наркотичната дрога и истата да ја размени за ПМВ марка БМВ. На 22.03.2017 година околу 19 часот Ф.И. во с.  Одри од С.Ф. ја презел наркотичната дрога марихуана за да ја однесе на купувачот М.А., но околу 20 часот од страна на полициски службеници на МВР на РМ на локалниот пат од правец на с.Одри спрема с.Џепчиште е запрено ПМВ марка Пежо 206 управувано од Ф.И. и по извршен преглед во возилото во делот кај патосницата од совозачкото седиште пронајдено е едно поголемо правоаголно пакување со проѕирна фолија во кое имало наркотична дрога марихуана со вкупна нето тежина од еден килограм.

Постапувајќи по Предогот за пределување на притвор од страна на Судија на претходна постапка при Основен суд Скопје 1 Скопје е донесено Решение за определување мерка притвор против тројцата обвинети.

75 total views, 1 views today

Page 1 of 4112345...102030...Last »